Transcription
1
Monseigneur, jay veu la lettres quil vous a pleu mescripre
2
par laquelle me mandez que je vous envoye largent
3
que je vous doibs des termes escheuz de votre rente
4
d’Albigny. Dernierement ung peu avant Noël, je fuz à Grenoble
5
pour porter argent et faire mes comptes avecq madame,
6
ce que je fiz et me passat quictance generalle
7
de tous les termes escheuz jusques au terme de
8
Noël dernier ; et fismes ung autre compte sur cette
9
année que je luy fis vente dung molin que javois
10
tout auprès d’Albigny, tellement que je ne devrey
11
rien encor descheu que jusques à la feste Saint Jehan
12
prochain, auquel terme je ne fauldray. Maître Rambaud
13
notaire royal de Grenoble a receu la vente et
14
quictances. Et pour le regard de la toille, jen doibs
15
soixante aulnes quarante aucune ne moyenne et vingt
16
de prime que je vous recouvreray le plus bref que
17
madame se contentera. Venant dudit Grenoble, je
18
vous donnis bien advertissement à Lyon quant vous y
19
estiez avecq monsieur le mareschal Dampville, comme
20
javois vendu mon molin à madite dame et luy avoit
21
pourté argent, et sil plaict à madite dame,
22
elle vous en souviendra bien ; que sera lendroict après
23
avoir prié le Createur
24
monseigneur, vous avoir en santé bonne et longue
25
vie. A Feurs, ce 29e daoust 1571
26
votre très humble serviteur
27
Valentin Gobier